Nuk kanë fund aksidentet me autobusa në Tiranë. Pasi autobusi ‘Go Green’ përfundoi në Lumin Lana, një tjetër urban i kryeqytetit është përfshirë në aksident. Autobusi i linjës së ‘Qyteti Studenti’ – ‘Jordan Misja’ është përplasur në kabinën e stacionit e pasagjerëve në bulevardin ‘Zogu i Parë’. Fatmirësisht nga përplasja nuk ka pasur persona të lënduar mirëpo shihet qartë që mjeti ka pësuar dëmtime të shumta.
Policia e Tiranës ka dalë me një informacion paraprak lidhur me aksidentin ku u përfshi urbani i linjës së Qytetit Studenti paraditen e të hënës.
Mësohet se shoferi i urbanit, “është përplasur me mbulesën e vendqëndrimit të stacionit të autobusit”.
Sipas bluve, si pasojë e aksidentit ka vetëm dëme materiale.
Grupi hetimor ndodhet në vendngjarje dhe po punon për sqarimin e rrethanave të aksidentit.
Tiranë/Informacion paraprak
Më datë 02.05.2022, rreth orës 13:00, në bulevardin “Zogu I”, shtetasi D. Sh., duke drejtuar autobusin e linjës së Qyteti Studenti, dyshohet se është përplasur me mbulesën e vendqëndrimit të stacionit të autobusit.
Si pasojë ka vetëm dëme materiale.
Grupi hetimor ndodhet në vendngjarje dhe po punon për sqarimin e rrethanave të aksidentit.
Kujtojmë se ky aksident është i dytë brenda pak kohësh në radhët e linjave të urbanëve, ku vetëm 4 ditë më parë një tjetër urban i linjës së Unazës përfundoi në lumin Lanë, pas përplasjes me një automjet.
