Fushata e këtyre zgjedhjeve nisi mjaft e qetë, pas tensionit që prodhoi çadra e PD për 3 muaj. Por nëse opozita ka zbutur tonet dhe është përqendruar te oferta e saj, është LSI ajo që akuzon për dhunë dhe shantazhe për votën.
Madje, tashmë zyrtarë të kësaj partie po ankohen edhe te mediat greke. Një ditë më parë, presidenti i zgjedhur Meta deklaroi se Rama është problematik për fqinjët.
Ndërkohë deputeti i kësaj force, minoritari Vangjel Tavo deklaroi për TV grek Star se policia po kërcënon zgjedhjet. Po ashtu, ai ka thënë se po ushtrohet presion ndaj minoritetit.
Por, në asnjë moment tavo nuk ka bërë denoncim konkret, para se të akuzonte në një media greke, aq më tepër në fushatë elektorale.
A mos ndoshta kjo është thjesht një tentativë e tij për të krijuar artificialisht një klimë të tensionuar, për t’u viktimizur dhe për të përdorur më pas si alibi në funksion të rezultatit të zgjedhjeve?
Ndiqeni në videon më poshtë intervistën e Vangjel Tavos në minutin 15:13.
