Flutura Açka tashmë do të vijojë betejën si deputete e pavarur në Kuvend, pas largimit nga grupi Parlamentar i Partisë Demokratike dhe drejtimi i Komisionit të Medias.
Në një intervistë për A2 CNN, Açka tregon se të njëjtin distancim ka dhe ndaj Lulzim Bashës, pasi prej 11 qershorit është larguar dhe nga posti i nënkryetares së PD zyrtare.
Deputetja opozitare pranon se ky mandat mund të jetë i pari dhe i fundit për të, pasi thotë se nëse Kuvendi miraton draftin për mbylljen e një pjese të listave ajo nuk do të garojë.
