Kryeminsitri Edi rama ishte në Elbasan në inaugurimin e impiantit të ri të mbetjeve dhe përpunimit të energjisë. Në këtë aktivitet ishin të pranishëm edhe ministrat Ahmetaj dhe Koka. Për këtë të fundit, Rama pati vlerësime, një mesazh ky që vjen pas kritikave të Kokës për policinë në Durrës.
Rama tha se finalizimi i projektit për impiantin vjen falë bashkëpunimit ndërmjet ministrisë së Mjedisit dhe asaj të Financave dhe kjo qe ma zbukuroi diten.
“Çfarë u tha dhe çfarë është bërë është me të vërtet jashtë parashikimeve. Ministri i Mjedisit dhe ai Financave megjithëse është Gjirokastrit në këtë rast e zgjidhi deri në fund qesen dhe u ndertua ky impiant”, tha Rama.
“Sot e kemi filluar ditën shumë keq në Elbasan, sepse ishim në spital për të parë nga afër transformim të jashtëzakonshme që u jep mundësi të gjithë njerëzve që kanë nevojë për dializë, që ta bëjnë atë në kushtet njerëzore. Aty pash i tmerruar situatën rreth spitalit, ku mësova që me një vendim gjykate spitalit dhe bashkisë së qytetit i ishin ndaluar ndërtimi i një muri rrethues sigurie, sepse gjykatësi kishte parë të udhës që të zgjidhte mes interesit publik, interesit të njerëzve. I dash urdhër që të fillojë shembja e ndërtimeve që mbajnë peng spitalin e Elbasanit. Gjykatësi që ka dhënë atë vendi do shkojë të përgjigjet para drejtësisë, pasi vettingu nuk vonohet. Ka ardhur koha që të bëhet drejtësi…”, tha Rama.
