Ish-kryeparlamentari i Kosovës, kryetar i Këshillit Kombëtar të Nismës Socialdemokrate, Jakup Krasniqi, ka rezultuar pozitiv me koronavirus.
Lajmin e ka bërë me dije vetë Krasniqi në një komunikim për mediat, ku ka konfirmuar se ka dalë pozitiv ndaj testit për Covid-19.
“Ndodhem i izoluar në shtëpi. Me shëndet jam mirë”, ka thënë ai.
I pyetur nëse është në dijeni të burimit të infeksionit, ai ka thënë se kjo nuk është e lehtë.
“Nuk përjashtohet mundësia që të jetë lidhje familjare”, ka thënë Krasniqi.
Kujtojmë se nga politikanët e rangut të lartë në Kosovë mbetet i infektuar kreu i LDK, Isa Mustafa.
/a.r
