Sipas informacioneve zyrtare nga Drejtoria e Kufirit dhe Migracionit gjatë 24 orëve të fundit nga kjo pikë kanë hyrë dhe dalë mbi 4000 shtetas shqiptarë dhe të huaj.
Shifrat tregojnë se fluksi më i lartë është shënuar në dalje nga vendi ynë drejt Maqedonisë së Veriut,nga ku numërohen 2090 shtetas.
Sipas burimeve shtetasit shqiptarë zgjedhin pikën e kalimit kufitar të Qafë Thanës për të hyrë drejt Greqisë,pasi pika e kalimit kufitar të Kapshtices vijon te jetë e bllokuar për daljet.
Ndërkohë mësohet se autoritetet shqiptare po punojnë me 3 sportele në dalje dhe 2 të tjera në hyrje.
Gjatë 24 orëve të fundit në Kapshticë, kanë hyrë 86 shtetas dhe 31 mjete ndërsa në Qafë-Thanë, kanë hyrë 1922 shtetas dhe kanë dalë 2090 shtetas.
