Kryeministri shqiptar Edi Rama “çuditi” dje Organizatën e Kombëve të Bashkuara në samitin që u mbajt në New York të Shteteve të Bashkuara të Amerikës ku foli për bashkëjetesën fetare që ekziston në vendin tonë.
Shefi i qeverisë shqiptare, në fjalën e tij dha shembullin e familjes së tij duke u shprehur se “Jam katolik i martuar me një grua myslimane dhe me dy fëmijë ortodoksë”.
Por duket se pas Kryeministrit Rama, një tjetër personazh i njohur botëror ka lënë gojëhapur OKB-në. Bëhet fjalë për këngëtaren me famë botërore Shakirën . Shakira ka performuar gjatë ceremonisë së hapjes së Asamblesë së Përgjithshme të OKB-së në New York, para se Papa Françesku të jepte fjalimin e tij.
38-vjeçare ka arritur që përmes këngës të prek zemrat e shumë njerëzve të pranishëm. Shakira është shfaqur me një pamje rrezatuese të ëmbël, një fustan të thjeshtë ngjyrë të bardhë të gjatë.
