Kryeministri Edi Rama është shfaqur këtë të martë në Prishtinë dhe ka hyrë pikërisht në hotelin ku liderët politikë të Kosovës po mbajnë takimin për demarkacionin, një temë kjo mjaft e nxehtë dhe që ka turbulluar jo pak politikën e shtetit kosovar.
Po këtë ditë Rama ka patur një drekë me Presidentin Hashim Thaçi në Prizren.
Sipas raportimeve të medias kosovare Kryeministri Rama nuk është prononcuar për të treguar nëse ka ardhur për të patur takime me ndonjë politikan, apo nëse është thjesht një rastësi vizita e tij në të njëjtin vend ku po diskutohet për demarkacionin.
Javët që lamë pas kanë qenë të përfshira nga debati që kanë shkaktuar deklaratat për Kosovën të kryeministrit Rama, për të cilat Prishtina zyrtare pati mjaft rezerva./java/a.k
