Mjekët e Spitalit të Durrësit kanë dalë në protestë për dhunën e ushtruar ndaj kolegut të tyre Gerald Koka dy ditë më parë.
Mjeku Koka u godit nga dy pacientë të përfshirë në sherr me njëri-tjetrin ndërsa ushtronte detyrën e tij.
Pacientët e dehur mësohet se u konfliktuan në urgjencën e spitalit të Durrësit dhe mjeku i turnit u përpoq ti ndajë por njëri prej tyre e ka goditur me tullë në fytyrë. Mjeku ndodhet jashtë rrezikut për jetën.
Ndërkohë, mjekët e Durrësit që kanë dalë në protestë kërkojnë mbrojtje për ushtrimin e profesionit të tyre.
E.Xh./
