Abi Malltezi i është përgjigjur Taulant Ballës pasi ky i fundit deklaroi sot jashtë dyerve të SPAK se ka dorëzuar dokumente të reja kundër ish-kryeministrit Sali Berisha dhe familjarëve të tij në lidhje me privatizimin e kompleksit “Partizani”.
Malltezi i kërkon Ballës të nxjerrë provat para të gjithë shqiptarëve ndërsa shton se ai ka 10 vite që shpif kundër tyre.
“Mashtruesit te PS: nxirr provat para shqiptareve e leri filmat dhe shpifjet. Ke 10 vjet qe shpif dhe filmat e tu te soc realizmit jane bajate. Nxirr provat para shqiptareve qe ti shohin te gjithe.
Nuk pate asnje prove a asnje fakt e u gjete shpifes nga gjykata e shkalles se pare. Tani ke 8 vjet qe ke bllokuar gjykimin ne gjykaten e larte.
Sot don te fshihesh pas spak. Ne fakt spak ka dy vjet qe nuk te jep pergjigje pasi duhet te te akuzoje per kallzim te rreme. Dhe te jesh i bindur se kjo te pret.
Po te kesh prova e fakte eja silli ne gjykate te shpetosh edhe nga denimi per shpifje. Perballu me drejtesine pa frike qofte per shpifjet 10-vjecare dhe qofte per kallzim te rreme ne SPAK”, shkruan Malltezi./m.j
