Partia Demokratike ka vendosur të dalë nga salla e Kuvendit të Shqipërisë, ku qëndroi për rreth dy orë.
Teksa Gramoz Ruçi njoftoi shtyrjen e seancës për në orën 18:00, deputetët e djathtë vendosën të qëndrojnë brenda në parlament, në mbrojtje të Endri Hasës.
Ky i fundit u përjashtua nga Byroja e Kuvendit për 10 ditë nga punimet në seancë dhe komisione, pasi goditi me vezë kryeministrin Edi Rama.
Pas gjashtë muajsh bojkoti, opozita u rikthye sot në Kuvend për të shpëtuar mandatet.
Por seanca zgjati vetëm pak minuta për shkak të incidentit që krijoi deputeti i PD në Elbasan.
Ndërkohë nuk ka një njoftim zyrtar nëse opozita do të rikthehet në orën 18:00 në seancë, pa Hasën që tashmë duhet të qëndrojë 10 ditë jashtë godinës.
/a.rada
