Kryeministri Edi Rama ka paralajmëruar një tjetër nismë të qeverisë. Bëhet fjalë për ndalimin e të rinjve nën 18-vjeç në klube gjatë orëve të mësimit.
Kjo, sipas Ramës, synon shmangien e tregtimit të alkoolit tek moshat e reja.
Përmes Twitter, kreu i qeverisë shkruan se shumë shpejt do të ketë një plan masash për lokalet që do të shkelin rregullat.
“Tani radhën e ka beteja kundër tregtimit të alkoolit për të rinjtë nën 18 vjeç dhe ndalimi i hyrjes në lokale për ta gjatë orareve të mësimit, të pashoqëruar me mësues apo prindër.
Shumë shpejt plani i masave administrative për lokalet që kapen në shkelje të këtyre dy rregullave” – shkruan kreu i qeverisë.
/b.d
