Policia italiane ka goditur këtë të mërkurë një grup të strukturuar trafikantësh droge dhe ka arrestuar 13 persona, mes të cilëve tre shqiptarë.
Dy pre tyre, babë e birë, shtetasit Fabio Lame (lindur më 2 Qershor 1991) dhe Roland Lame (lindur më 20 Janar 1969) ishin dhe furnizuesit e grupit kriminal. Të dy këta shtetas e merrnin drogën nga Shqipëria dhe e sillnin në Itali përmes detit. Shitja e drogës bëhej në bashkëpunim me trafikantë të tjerë të mëdhenj në Itali (edhe ata shqiptarë).
Policia italiane e Barit në bashkëpunim me prokurorinë e Foggias kishin kohë që mbanin në vëzhgim rrjetin e shpërndarjes së drogës dhe hetimet kishin nisur që në fillim të vitit 2014. Gjatë kësaj kohe, në ujërat e adriatikur janë arrestuar disa “ushtarë” të grupit, të cilët transportonin rreth 1 ton marijuanë. Në atë kohë policia kishte vënë në pranga Ciro Bravo dhe Ismail Shequ, ky i fundit lindur në Shqipëri, në vitin 1990.
Po këtë vit në korrik të 2014, është arrestuar një tjetër anëtar i bandës, Antonio Frattaruolo, i cili u kap me më shumë se 10 kg kanabis me vete./java/a.k
