CHELSEA do t’i lutet sot Qeverisë që të lehtësojë sanksionet ndaj tyre mes frikës se klubi mund të shkatërrohet në vetëm 17 DITË.
Pronari miliarder i Bluve, Roman Abramovich, u godit me disa sanksione në fillim të kësaj jave dhe i kishte ngrirë të gjitha asetet e tij me bazë në Mbretërinë e Bashkuar, përfshirë Chelsean për shkak të marrëdhënies së tij me presidentin rus Vladimir Putin.
Abramovich aktualisht është i ndaluar të shesë klubin, megjithëse klubi blu thuhet se do t’i kërkojë qeverisë një licencë të veçantë për ta shitur.
Kjo është sipas The Daily Mail, të cilët pretendojnë se rezervat aktuale të parave të klubit do të shpenzohen në vetëm 17 ditë për shkak të sanksioneve të vendosura ndaj tyre.
28 Marsi është momenti kur Bluve do t’u mbarojë buxheti, gjë që ka bërë që shefat e Chelseat t’i luten qeverisë që t’i lejojë ata të shesin klubin në një përpjekje të dëshpëruar për të shmangur daljen nga biznesi.
Chelsea aktualisht paguan 28 milionë paund në muaj për pagat e lojtarëve të tyre.
Por llogaritë e fundit kanë treguar se londinezët kanë aktualisht vetëm 16 milionë paund në bankë.
Aktualisht është e paqartë se çfarë do të ndodhë me Chelsean nëse i mbeten pa para dhe shkojnë në administrim.
Një klub i Premier League nuk ka kaluar kurrë në administrim – kështu që nuk ka precedent për atë që do të ndodhë saktësisht.
Blutë janë në kaos financiar pasi sanksionet e vendosura ndaj tyre do t’i bëjnë ata të humbasin 600 mijë £ në ditë.
Dhe sponsorët e bluzave kanë pezulluar përkohësisht marrëveshjen e tyre prej 120 milion £ pas goditjes ndaj Abramovich i cili është akuzuar se është një mik i Putinit.
Prodhuesit e Nike thuhet se janë duke ‘konsideruar’ ndërprerjen e kontratës së tyre prej 900 milionë paund blut e londres.
Abramovich e nxori klubin në shitje për 3 miliardë paund pas pushtimit të paligjshëm të Ukrainës nga Putin.
Qeveria, sidoqoftë, do ta lejojë oligarkun të kalojë pronësinë e klubit për aq kohë sa ai nuk fiton asnjë qindarkë nga shitja.
g.kosovari
