Java e 8-të e Kategorisë Superiore çelet sot në orën 13:00 me katër takimet e para, teksa supersfida e javës luhet në orën 19:00 në “Qemal Stafa”, ku përballë do të jenë dy skuadrat kryesuese të kampionatit, Partizani e Skënderbeu.
Në orën 13:00 do të luhen ndeshjet: Vllaznia-Tirana (ndeshja luhet në Pukë për arsye se stadiumi “Loro Boriçi” është në rikonstruksion), Flamurtari-Bylis, Laçi-Teuta, si dhe Kukësi-Tërbuni.
Në mbrëmje luhet dhe ndeshja më e rëndësishme e javës, Partizani-Skënderbeu. Ndeshja do të nisë në orën 19:00 në kryeqytet në stadiumin “Qemal Stafa”. Partizani dhe Skënderbeu në 7-të javët e para kanë grumbulluar të njëjtën sasi pikësh, 19, duke realizuar 6 fitore dhe barazuar vetëm 1 ndeshje.Të kuqtë kryeqytetas kanë barazuar me Laçin në javën e parë, teksa korçarët vinë në këtë takim pas barazimit në qytetin juglindor të vendit me Teutën (2-2).
Programi plotë i javës së tetë të superligës:
13:00, Vllaznia-Tirana
13:00, Kukësi-Tërbuni
13:00, Flamurtari-Bylis
13:00, Teuta-Laçi
19:00, Partizani-Kukësi
Klasifikimi: Skënderbeu 19 Pikë, Partizani 19, Kukësi 13, Teuta 13, Tirana e Laçi 9, Flamurtari 8, Vllaznia 4, Tërbuni 3, Bylis 1
ATSH
