Ndeshja partizani-Vllaznia u vendos të luhet në Stadiumin “Selman Stërmasi”. Pasi kërkoi nga FSHF mbajtjen e ndeshjes në një tjetër stadium, policia ka garantuar ruajtjen e rendit dhe ka pub;likuar masat e sigurisë.
Njoftimi:
Më datë 05.02.2017, ora 17:00 në Stadiumin “Selman Stërmasi” do të zhvillohet ndeshja e futbollit ndërmjet ekipeve Partizani – Vllaznia, e vlefshme për kampionatin kombëtar të futbollit, Kategoria Superiore.
Drejtoria Vendore e Policisë Tiranë njofton për bllokimin e disa akseve rrugore dhe masat e marra si më poshtë:
Njoftohen tifozët që në stadium nuk do të lejohen të futen bidonë uji, çakmakë, monedha, çelësa metalikë, sende të tjera të forta.
Duke filluar nga ora 12:00 deri në përfundim të ndeshjes do të bllokohen rrugët:
Rruga “Emin Duraku”, rruga “Gjin Bue Shpata” dhe rruga përballë stadiumit “Selman Stërmasi”.
Gjatë lëvizjes së tifozërive përkatëse nga pika e takimit deri te stadiumi “Selman Stërmasi” do të bëhet shoqërimi i tyre me Shërbimet e Policisë për të shmangur incidentet e mundshme.
Nuk do lejohen fëmijë nën moshën 14 vjeç të pashoqëruar nga prindërit.
Pas përfundimit të ndeshjes, tifozët respektivë do të largohen nga rrugët që kanë ardhur, të shoqëruar nga Shërbimet e Policisë. Për mbarëvajtjen e këtij aktiviteti janë angazhuar 261 forca policie dhe 5 grupe FNSH -je.
Kërkojmë mirëkuptimin e drejtuesve të ekipeve dhe tifozëritë respektive për bashkëpunimin dhe mbarëvajtjen e këtij aktiviteti sportiv sa me normal dhe të qetë.
/a.m.
