Presidenti i Partizanit, Gaz Demi, pas ndeshjes së barazuar ndaj Qarabag, foli për mediat e pranishme në stadiumin “Selman Stermasi”, duke analizuar sdën dhe duke kthyer në vëmendje dhe kujtesë ndeshjen heroike në Budapest, ndaj Ferencvaros.
“Ishte ndeshje e bukur, ata janë ekip i fortë. Ne patim rastin tonë, por nuk e bënë.
Gjithsesi, rezultat i mirë. Tani rritemi edhe në koecent, me këto rezultate”.
Sa shanse ka për kualikim? “Loja është e hapur, nuk ka ndodhur ndonjë gjë e madhe. E mbani mend Ferencvaroshin, na shënuan gol këtu, realizuam gol atje
Trajneri? Ka ende kohë për të folur për trajnerin. Por, mirë ishte!”, mbylli Demi.
Edhe drejtori sportiv i “Demave të Kuq”, Olsi Rama vlerësoi lojtarët për ndeshjen e zhvilluar dhe shtoi se një nga problemet e ekipit në këtë takim ishte mungesa e formës.
Sipas tij nuk ka një çështje “Trashi” në ekip, por nëse lojtari do të shkojë në një skuadër tjetër, Partizani duhet të përfitojë nga ky transferim.
“Nga ky takim i sotëm, morëm disa përgjigje të mirë. Tani vërtetë kemi vetëm një ndeshje. Do të kemi një javë më shumë stërvitje, Brown dhe Bro do të njihen me ekipin. Salomon ende nuk është në 100%, një javë na ndihmon shumë. Do të jemi më të gatshëm për të surprizuar atje.
Trashi? Është një lojtar që unë e dua shumë, gjithmonë ka sjellë cilësi te Partizani. Nuk ka çështje “Trashi”, këtu luan ai që i përshtatet më shumë trajnerit. Lerda preferoi Hakajn, që është më i mirë në fazën mbrojtëse. Po ta shikonit, Trashi përqafoi trajnerin në fund të ndeshjes, kështu që nuk ka asnjë çështje.
Nëse Trashi do të shkojë diku tjetër për të vazhduar karrierën e tij, do të largohet me kushtet e duhura, pasi Partizani duhet të përfitojë nga transferimi i tij. Ne shpresojmë që Trashi të jetë transferta e parë e suksesshme e drejtimit tim te Partizani”, mbylli deklaratën Olsi Rama.
