Një super trajner për pankinën e Partizanit. Zdenek Zeman shihet si pasuesi i Gegës dhe tekniku që mund të udhëheqë të kuqtë për Champions League. RTSH Sport mëson se Drejtori i Përgjithshëm i Partizanit, Olsi Rama, ka udhëtuar për të biseduar me trajnerin e njohur.
Zeman nuk drejton që nga marsi i 2018 kur la ekipin e Pescara-s. 72-vjeçari është një emër i njohur në botën e trajningut, pasi ka drejtuar ekipe si Napoli, Roma, Lazio, Parma, Cagliari, Lugano, Brescia, Lecce, Cervena Zvezda, apo Fenerbahçe.
Partizani mund të kopjojë kombëtaren duke i besuar stolin një veterani, por me shumë eksperiencë. Të kuqtë duan të bëjnë “boom” dhe emri i çekut krijon menjëherë një impakt.
/a.rada
