Partizani ka të sigurta 910 mijë euro nga pjesëmarrja në Evropë, prej të cilave 690 mijë nga Champions League. Të kuqtë e nisën në Europa League, duke luajtur një ndeshje kundër Slovan Bratislavës, por më pas kaluan në Champions League, duke zëvendësuar Skënderbeun e përjashtuar. Kalimi i një turi, kundër Ferencvaroshit, bëri të sigurt pjesëmarrjen në ndeshjet ndërkombëtare edhe për dy raunde të tjerë, pasi skuadra e eliminuar në raundin e dytë kalon në Europa League.
Pasi u eliminua nga Salzburgu, Partizani rikthehet në kompeticionin ku e nisi, tani në play-off, ku vetëm pjesëmarrja vlen 220 mijë euro.
Kualifikimi i mundshëm në fazën e grupeve do të hapte “thesin” për të kuqtë, ashtu si vitin e kaluar për Skënderbeun.
