Partia Demokratike ka mbledhur sot Kuvendin Kombëtar në Pallatin e Kongreseve. Një aktivitet, ku përveç braktisjes masive të disa figurave më me peshë në PD dhe elitës së demokratëve, u vu re edhe braktisja nga partitë simotra europiane.
Në këtë aktivitet nuk kishte asnjë përfaqëes Partive Popullore Europiane dhe as nga CDU Gjermane, të cilët kanë vendosur ta bojkotojnë kongresin e PD, megjithëse kishin konfirmuar pjesemarrjen. I vetmi që mori pjesë në këtë aktivitet ishte vetëm shefi i degës se fondacionit gjerman, Konrad Adenauer, ne Tirane, i cili prej vitesh jeton dhe punon në Shqipëri.
Partitë simotra europiane kanë një qëndrim të ashpër ndaj Lulzim Bashës në lidhje me mungesën e demokracisë dhe keqfunksionin e PD-së, hapat e tij të çoroditura politike si dhe bojkotin parlamentar të filluar disa muaj më parë./ CNA.al
