Pasi erdhi në krye të Partisë Agrare Ambjentaliste, Agron Duka shkriu me këtë forcë një tjetër parti. Partia Lëvizja Demokratike për Vlera Mirëqenie, kreu i së cilës Arben Tafaj kandidoi për bashkinë e Tiranës u shkri sot në një parti të vetme me PAA-në e drejtuar nga Duka.
“Dua të theksoj se ky nuk është një bashkim mekanik njerëzish, por një shkrirje organike i dy formacioneve të pjekura politike. Nuk është vendi dhe as koha sot për të bërë një analizë të gjatë e të thellë politike, por besoj që të gjithë jemi dakord se tregu politik është i etur për një forcë të re politike, me program të qartë e alternativa realiste”, tha Duka pas nënshkrimit të marrëveshjes me Arben Tafajn, shkruan Lapsi.
Agron Duka e fitoi mandatin e deputetit në qershor 2013 nën siglën e Partisë Republikane, pasi nuk u përfshi në listat e PS-së nga Rama.
