Diskutimet për projektligjin e dekriminalizimit kanë devijuar në akuza dhe kundërakuza midis ish-kryeministrit Sali Berisha dhe deputetit socialist Taulant Balla. Pas deklaratës së Ballës, se ky ligj bëhet i pavlefshëm nëse nuk reformohet sistemi i drejtësisë, për ti dhënë dënimin krimeve të mazhorancës së djathtë, ish-kryeministri Berisha shpërtheu në akuza duke deklaruar se shumica aktuale politike është kthyer në mburojë të kriminelëve.
“Kreu i meduzës, Edvin Kristaq Rama, mbrohet nga çakenj që lehin për mëkatet e tyre, mbrohet nga individë delikuentë. Nga njerëz që janë të akuzuar direkt nga policitë kufitare të vendeve të tjera për trafik të qenieve njerëzore. Ka të tjerë që i kanë akuzuar për trafik të njerëzve më të afërt. Mbrohet nga çakenj që janë të akuzuar për përdhunim të një vajze me AIDS, të sëmurë. Një delikuent i cili ka paguar me shoferin e tij për të mbyllur gojën e denoncueses, mbrohet nga çakenj që drejtësia për gjuhën e horrit i ka dënuar si shpifës, dhe jo njëherë, por disa herë. Mbrohet nga ata të cilët me parcelat e drogës po ndërtojnë parajsën e tyre. Mbrohet nga ata të cilët i ka transportuar me makinë, trafikantët kryesorë të heroinës. Mbrohet nga ata që i ka vendosur në polici, pa çka se një çakall që leh është ai, emri i tij është cakall që leh. Mbrohet nga ata të cilët klani Hoxha i Librazhdit, një nga klanet kryesore të drogës, instalon pjesëtrët e tij në policinë e Librazhdit. Mbrohen nga ata që kanë bërë krime ordinere, e kanë si bukën e përditshme. Por këta janë ushtarë, bajlozi i krimit është Edi Rama, ai ndërtoi këtu si institucion suprem krimin. Beteja me krimin është beteja me djajtë, por është betejë që opozita do ta bëjë, dhe ky është vetëm hapi i parë. E dëgjuat se si shprehte keqardhje për ata që janë dënuar si ai. Janë dënuar për trafiqe, janë dënuar për përdhunime. Ata të cilët nxorën këtu hanxharët e krimit ata ikën, edhe ata do ikin. Ju jeni roshër, ju jeni frrokër, ju jeni shullazër, ju jeni xhuvanër, ju jeni parti krimi, Ju jeni kriminel sepse jeni strehë e krimit”. – tha Berisha.
I menjehershëm ishte edhe reagimi i deputetit Taulant Balla, i cili deklaroi se ish-kryemisnitri ëhstë vrasës i padënuar.
“Problemin më të madh që ka ky parlament nuk e zgjidh ky projektligj. Ky ligj ende nuk zgjidh problemin. Ti je një vrasës që nuk je ndëshkuar. Je hajdut që nuk je dënuar. Ti je një njeri që e ke keqpërdorur këtë foltore për lloj-lloj fyerjesh. Mëkati im i vetëm është që kam të njëjtën moshë me të birit tënd, dhe të gjitha veset që ka yt bir, mendon se i kanë edhe moshatarët e tjerë. Se merret yt bir me lloj-lloj krimineli merren dhe të tjerët. E ke problem me tët bir se nuk të ka dalë ashtu si doje, ky është problem i joti Sali, Fakti që je zemërprishur me tët bir, nuk na bën ne moshatarët e tij të jemi të zinj si yt bir”, – tha Taulant Balla.
