Ndërsa fundjava u mbyll me reshje shiu dhe stuhi nuk duket aspak premtuese as java që nisi sot.
Sipas Meteo Alb, edhe sot territori shqiptar do të jetë me vranësira të dendura dhe shira. Madje në zonat e thella malore veriore dhe lindore pritet të ketë reshje dëbore.
Temperaturat e ajrit do të ulen ndjeshëm në mëngjes dhe në mesditë duke regjistruar vlerën termike minimale në qytetin e Pukës me -3°C.
Ndërsa vlera maksimale do të shënohet në qytetin e Sarandes me 16°C.
Kushtet e motit në orët e pasdites dhe në vijim do të përmirësohen gradualisht.
Era do fryjë mesatare në tokë dhe e fortë në det me shpejtësi 60 km/h nga drejtimi veriperendimor duke krijuar në det dallgëzim 5 ballë.
