Pjesa më e madhe e vendit do të dominohet nga moti i vranët ku më të dukshme vranësirat paraqiten në zonat veriore duke rrezikuar shira të përkohshëm. Ndërsa në zonat e ulta dhe bregdetare do të ketë alternim të kthjellimeve dhe vranësirave të shpeshta.
Parashikohet që edhe pasditja të dominohet nga mot kryesisht i vranët duke rrezikuar herë pas- here shira të dobët dhe lokale. Por gjatë orëve të vona të natës pritet largim i vranësirave dhe shirave nga i gjithë territori i vendit.
Sipas MeteoAlb, temperaturat e ajrit nuk do të pësojnë ndryshime gjatë orëve të mëngjesit por mesdita do të sjellë 2 gradë rritje të tyre. Era do të fryjë mesatare me shpejtësi 35 km/h nga drejtimi veriperëndimor dhe për pasojë në brigjet detare do të ketë dallgëzim deri në 3 ballë.
Europa
Si pasojë e qarkullimit të masave ajrore të freskëta dhe të lagështa që vijnë nga Atlantiku i veriut drejt Lindjes së kontinentit do të bëjnë që vendet Nordike si dhe vendet Lindore të dominohen nga vranësira dhe shira të dendur, shkruan noa.
Po ashtu, me vranësira dhe rrebeshe shiu do të paraqitet moti për ishujt britanike si edhe vendet Baltike. Ndërsa, me kthjellime dhe vranësira të herë pas-hershme do të dominohen: gadishulli Iberik, rajoni i Mesdheut si edhe Europa qendrore./a.k
