Alternime kthjellimesh dhe vranësirash të shpeshta do të dominojnë motin në të gjithë territorin e vendit ku më të dendura vranësirat do të jenë në zonat veriore dhe qendrore të vendit. Pjesa e dytë e ditës do të vijojë me të njëjtat kushte atmosferike duke bërë që vranësirat të jenë të pranishme pothuajse në të gjithë vendin por herë pas here do të ketë edhe intervale të shkurta kthjellimesh. Parashikohet që në orët e vona të natës të ketë zhvillim të vranësirave duke gjeneruar shira në të gjithë territorin.
Sipas MeteoAlb, temperaturat e ajrit do të pësojnë rënie të lehtë në të dy vlerat ekstremale të ditës, më e ndjeshme kjo në orët e mesditës. Era do të vijojë të fryjë e lehtë dhe mesatare duke arritur shpejtësinë 25 km/h nga drejtimi kryesisht verior dhe veriperëndimor, për pasojë në det do të gjenerohen dallgë 1- 2 ballë.
Europa
Masat ajrore të paqëndrueshme do të mbeten në vendet e Europës Lindore duke bërë që vranësirat dhe shira të jenë prezent gjatë gjithë ditës. Po ashtu, zhvillimi i një qendre me presion të ulët atmosferik mbi Alpe do të ndikojë vranësira dhe shira me intensitet të lartë në Alpet e Europës si edhe zonat përreth tyre, më të dendura shirat paraqitet në Austri dhe Gjermani, shkruan noa. Masat ajrore të qëndrueshme me origjinë kontinentale do të kushtëzojnë mot të kthjellët dhe vranësira të lehta e kalimtare për, gadishullin Iberik, gadishullin Skandinav, Ishujt Britanike si edhe në pjesën më të madhe të Mesdheut
