Një person është vënë nën hetim nga policia e Dibrës, për shkak se është paraqitur në komisariat, duke u shtirur si polic.
L.M., 34 vjeç, banues në Pleshtan, Fier po ndiqet penalisht në gjendje të lirë.
Procedimi penal ndaj tij filloi pasi gjatë ditës së djeshme është paraqitur në komisariatin e Policisë Dibër, duke i’u prezantuar punonjësve të policisë si “oficer policie”, ndërkohë që pas verifikimeve të kryera nuk rezultonte të ishte punonjës policie.
Noa.al mëson se ai ka debatuar me punonjësin e policisë që qëndronte në hyrje të komisariatit, duke kërkuar të futej brenda tij, pasi edhe ai ishte efektiv policie.
Ndërkohë gjatë verifikimeve pretendimet e tij rezultuan të pavërteta, ndërkohë nga kontrolli nuk u gjet asnjë send i kundraligjshëm.
Në ngarkim të tij materialet i kaluan Prokurorisë së Dibrës për ndjekje të mëtejshme për veprën penale “Përvetësimi i titujve apo detyrës shtetërore”./a.k
