Policia e Lezhës parandalon një vrasje me armë zjarrë dhe arreston personin që tentoi të kryejë krimin. Uniformat blu prangosën 46 vjeçarin Ded Zhuri të cilit iu sekuestrua edhe një kallashnikov. Ky shtetas tentoi tëekzekutonte një bashkëfshatar në fshatin Torovicë, me të cilin kishte konflikte pronësie.
Ja njoftimi i plotë i Policisë
Lezhë,më 13.11.2015
Njoftim për shtyp
Lezhë
Policia e Lezhës parandalon një vrasje
Ndërhyrja në kohë e policisë parandaloi përshkallëzimin e një konflikti me armë për pronësi
Arrestohet në flagrancë autori
Sekuestrohet arma e zjarrit kallashnikov
Nga efektivat e Komisariatit të Policisë Lezhë , është bërë e mundur parandalimi i një vrasjeje në fshatin Torovicë, në lagjen Malecaj, për një konflikt për motive pronësie.
Vlerësimi në kohë i informacionit , marrja e masave dhe shkuarja në kohë reale në vendin ku ishte konflikti, u bë i mundur arrestimi i gjatë ndjekjes prej 5 orësh nga policia i shtetasit :
- Ded Zhuri , 46 vjeç, të cilit iu sekuestrua dhe arma e zjarrit e llojit automatik model 56
Ky shtetas kishte konflikt pronësie me një bashkëfshatar të tijin me iniciale M.GJ. dhe ndërkohë që autori ka dalë me armën e zjarrit pa leje, është ndërhyrë në kohë reale nga efektivët e policisë duke bërë arrestimin e tij në flagrancë gjatë ndjekjes.
Autori kur ka parë forcat e policisë ka hedhur armën dhe është larguar në pyll, por është kapur pas 5 orë ndjekje nga forcat e policisë.
Materialet proçeduriale i kaluan Prokurorisë së Rrethit Gjyqësor Lezhë për veprën penale “ Prodhimi dhe mbajtja pa leje e armëve luftarake dhe municionit” dhe “ Kanosje “ parashikuar nga neni 278/3 dhe 84 i Kodit Penal.
# # #
