Vetëm pak kohë pas hetimit të bujshëm që çoi në qeli zyrtarët e bashkisë së Lezhës, bashkë me kryetarin, lënë më pas me “arrest shtëpie” nga gjykata, ka zhvillime në një tjetër qytetet bregdetar. Bëhet fjalë për Durrësin.
“Panorama” bën me dije se prokuroria e Durrësit ka nisur hetim për tjetërsimin e pronave në qytetin bregdetar.
Mësohet se në shënjestër janë vënë 30 punonjës të Hipotekës dhe ALUIZNI-t. Prokuroria ka kërkuar që në vijim të hetimeve të nisura të marrë në pyetje punonjësit e këtyre dy institucioneve.
Sipas burimeve nga organi i akuzës, në Durrës është bërë masakër me tjetërsimin e pronave. Mësohet se janë një sërë dosjesh tashmë të sekuestruara, të cilat po i nënshtrohen hetimeve intensive./a.m.
