Shefi i inteligjencës së jashtme të Rusisë Sergei Naryshkin paralajmëroi se Shtetet e Bashkuara dhe Polonia po planifikojnë një pushtim të përbashkët në Ukrainën perëndimore.
Lajmi u bë i ditur nga gazeta ruse “Izvestia”, e cila citoi deklaratën e zyrtarit.
Naryshkin thotë se nuk do të jetë një mision i NATO-s, por një “koalicion i vullnetarëve” sipas stilit të “Luftës së Irakut”.
Senatori rus Andrei Klimov i mbështeti këto raportime dhe thotë se Polonia e ka planifikuar këtë pushtim prej një viti.
Sipas Naryshkin-it, faza e parë e “ribashkimit” duhet të jetë hyrja e trupave polake në territorin e Ukrainës Perëndimore, e cila do të çojë në një ndarje në vend.
Specifikohet se “kontigjenti paqeruajtës” është planifikuar të vendoset në ato pjesë të vendit ku rreziku i një përplasjeje me Forcat e Armatosura Ruse është minimal.
“Misionet luftarake” të ushtrisë polake do të përfshijnë përgjimin e kontrollit mbi objektet strategjike të vendosura atje nga Garda Kombëtare e Ukrainës, shtoi ai.
Kreu i Shërbimit të Inteligjencës së Jashtme të Federatës Ruse vuri në dukje se kjo ishte një përpjekje për të përsëritur “marrëveshjen” për Poloninë pas Luftës së Parë Botërore./m.j
