Shefi i Organizatës Botërore të Shëndetit, prej ditësh ka bërë thirrje se heqja e masave të parandalimit të koronavirusit shumë herët mund të shkaktojë një “ringjallje vdekjeprurëse” të infeksionit. Tedros Adhanom Ghebreyesus tha se vendet duhet të tregohen të kujdesshëm për lehtësimin e kufizimeve, edhe pse disa luftojnë me ndikimin ekonomik.
Vendet më të goditura në Evropë, Spanja dhe Italia, janë duke menduar të heqin disa masa, ndërkohë që izolimi atje vazhdon, ndërkohë që në të gjithë botën ka 1.6 milion persona të prekur dhe 101.000 vdekje.
Duke folur në një konferencë virtuale për shtyp në Gjenevë, Tedros tha se kishte një “ngadalësim të pritur” të epidemive në disa vende evropiane. Ai tha se OBSH po punonte me qeveritë për të formuar strategji për lehtësimin e kufizimeve, por kjo nuk duhet të bëhet shumë shpejt.
“Heqja e kufizimeve shumë shpejt mund të çojë në një ringjallje të menjëhershme të këtij virusi vdekjeprurës. Gjendja mund të bëhet edhe më e rrezikshme nëse nuk menaxhohet sic duhet,” tha ai.
Si po lehtësohen masat në Spanjë dhe Itali?
Qeveria në Spanjë po përgatitet të lejojë disa sektorë që të kthehen në punë të hënën, si ato në sektorin e ndërtimit dhe fabrikat prodhuese. Ndërkohë që numrin më të ulët të vdekjeve ditore e ka shënuar ditën e djeshme, ku u regjistruan 605 njerëz të vdekur. Sidoqoftë, qeveria u ka kërkuar njerëzve që të vazhdojnë të mbështesin rregullat e distancimit, gjatë fundjavave dhe gjate festës së pashkëve.
Në Itali, Kryeministri Giuseppe Conte zgjati bllokimin kombëtar deri në 3 maj, duke paralajmëruar se fitoret e arritura deri tani nuk duhet t’i humbim. Sidoqoftë, një pjesë e vogël e bizneseve që janë mbyllur që nga 12 marsi do të lejohen të rihapen të martën.
Z. Conte përmendi posaçërisht libraritë dhe dyqanet e veshjeve për fëmijë, por raportet e mediave sugjerojnë që mund të përfshihen edhe biznese të tjera, ndërkohë deri më tani vetëm dyqanet ushqimore dhe farmacitë janë lejuar të operojnë që nga fillimi i periudhës së izolimit. Numri i vdekjeve në Itali u ul dje, duke shënuar 570, më pas së ditët e tjera dhe numri i rasteve të reja është gjithashtu më i ulët.
Ndërkohë numri i të vdekurve në Francë shkoi afro 1000 në të njëjtën ditë, por autoritetet shëndetësore atje thonë se numri i personave në njësite e kujdesit intensiv ka rënë paska gjatë stive të fundit.
A po ngadalësohet përhapja e virusit?
Kreu i OBSH-së Tedros deklaroi se ka një ngadalësim të dukshëm të infeksioneve në disa vende evropiane. Edhe autoritetet amerikane thonë se shpërthimi i koronavirusit mund të ketë filluar të bjerë. Deborah Birx, koordinatorja e grupit të punës për koronavirusin në Shtëpinë e Bardhë, tha të Premten se ndërsa kishte shenja inkurajuese për numrin në rënie të të prekurve, epidemia nuk kishte arritur akoma në kulmin e saj. Ndërkohë, Tedros ka paralajmëruar se virusi tani po përhapet me shpejtësi edhe në vendet e tjera si Afrikën. Sipas ekspertit të OBSH, është përhapur kryesisht në zonat rurale.
“Tani ne po shohim se koronavirusi i ri është përhapur në 16 vende në këtë kontinent, ndërkohë që parashikohen vështirësi të mëdha edhe për sistemet shëndetësore atje, sepse këto zona nuk kanë të njëjtat burime si ato në qytete,” shtoi Tedros./BBC/
