Sipas analistit Mustafa Nano ish-lideri historik i PD Sali Berisha është në një fazë të çoroditur për shkak të situatës në PD dhe kjo sipas tij mund të bëjë që situata t’i dalë jashtë kontrollit. Lidhur me hezitimin për dorëzimin e firmave në strukturat zyrtare të PD-së, në një intervistë për MCN TV, Nano tha se ndoshta Berisha me këtë nismë që ka bërë ka dashur të thotë që jam i rëndësishëm në këtë vend dhe ndoshta se ka në plan fare të mbledhë Kuvendin.
I pyetur për deklaratat nëse mund të ketë firma të falsifikuara, Nano tha se do të mjaftonte një firmë e falsifikuar dhe procesi do të kompromentohej.
Intervista:
Lulzim Basha dhe njerëzit e tij pretendojnë se Sali Berisha nuk i ka mbledhur firmat e nevojshme për thirrjen e Kuvendit. Në gjykimin tuaj, a ka Sali Berisha forcën për të mbledhur të paktën firmat e 1600 anëtarëve?
Nano: Mëndja më thotë që e ka fuqinë të mbledhë shumë më tepër se aq. PD esencialisht është e Berishës. Edhe Bardhi e tha sot që kam mbajtur në shtëpi foton e Berishës dhe është e pamundur mos e identifikosh PD me të. Nuk e di nëse ka firma të falsifikuara dhe nuk e di pse mund ta ketë bërë këtë. Por duhet parë dhe provuar.
Pse ky hezitim i Sali Berishës për të dorëzuar firmat në strukturat zyrtare të PD-së, në fund të fundit ai betejën thotë se ka me Lulzim Bashën. A duhet ta respektonte Berisha partinë?
Nano: Mendoj që me këtë nismë që ka bërë ka dashur të thotë që jam i rëndësishëm në këtë vend. Ndoshta se ka në plan fare të mbledhë Kuvendin, thjeshtë do të tregojë që po të dua unë e marr PD-në. Ai është në një fazë të çoroditur dhe mund ti ikë situata nga duart. Nëse gjendet njëri me firmë të falsifikuar dhe kompromentohet procesi. Ai ndoshta nxitoi me datën për ta cilësuar si dhjetor të dytë. Berishën në 30 unë nuk është se e kam marrë vesh, por besoj se është në një fazë konfuzioni. Ai e ka ditur para Ramës që nuk udhëtonte në Amerikë dhe që ata e shikonin si dele të zezë. Edhe pse ka degraduar ai mungohet të kapet dhe të sabotojë reforma të caktuara. Ai është armiku kryesor i reformës në drejtësi.
Basha akuzoi sot se mazhoranca e Edi Ramës është bërë pjesë e asaj që e quan përpjekje për puç brenda Partisë Demokratike. I besoni kësaj deklarate?
Nano: Mendoj se janë çoroditur të gjithë. Të dyja palët parashtrojnë Ramën para votuesve të tyre. Duket që Rama përfiton shumë nga kjo situatë dhe nuk ka ndërhyrë fare. Rama ka qenë me punët e veta dhe ata e fusin kot në këtë histori.
Si e shihni fundin e kësaj përplasjeje?
Nano: Nuk do ta rrëzojë dot Bashën, ai do mbetet njeriu që në terma legalë do të zotërojë PD-në. Berisha mund të krijojë parti të re vetëm se duhet të bindemi nëse e ka në plan një gjë të tillë, por për këtë do të bindemi në javët e ardhshme.
/a.r
