Në mbyllje të prezantimit të paketës kundër KÇK, cilësuar prej tij si organizata kriminale më e rrezikshme në vend, kryeministri Edi Rama, ka kërkuar mbështetje pa kushte nga gjithë deputetet e grupit të vet parlamentar.
Në të kundër, sipas Ramës, “Kush nuk e voton këtë paketë është i përjashtuar nga grupi parlamentar i PS”.
Rama njoftoi se paralelisht do të ngrihet një njësi speciale kundër korrupsionit, e përqendruar te korrupsioni në sistemin qeverisës.
“Askush nga ne këtu dhe PS nuk mban në kurriz asnjë person që e përdor mandatin apo zyrën për përfitime nga të cilat ai fiton pr humbet e gjithë familja jonë politike”- tha Rama.
Duke folur për njësinë speciale që do të ngrihet Rama theksoi: Kjo njësi do të jetë në formën e TASK FORCE forca e ligjit me përbërje nga gjithë institucionet që nuk janë të koordinuara me njëra tjetrën 30 vjet. Do jetë njësoj si OFL ku bashkëpunimi në terren me partnerët është pjesë, inspektorët e Guardia di Finanza dhe Thesarit Amerikan do jenë pjesë e kësaj njësie”, tha Rama.
g.kosovari
