Parakalimi i gabuar duket se është shkaku i aksidentit fatal që u regjistrua mbrëmjen e së mërkurës në aksin rrugor Thumanë-Fushë Krujë.
Në këtë aksident u përfshinë tre mjete të ndryshme. Duket se parakalimi i kryer nga Klenat Sako, drejtuesi i mjetit Volksvagen, është shkaku i ngjarjes së rëndë.
Për pasojë u përplasen edhe dy mjete Benz të cilët drejtoheshin nga Seat Bizi dhe makina tjetër që drejtohej nga Dervish Allamani.
Ky i fundit si pasojë e plagëve të shumta, ndërroi jetë në Spitalin e Traumës.
Ndërkohë në spital janë edhe dy të plagosur të tjerë. Një prej tyre ndodhet në gjende të rënduar në reanimacion me fraktura të shumta, ndërsa e plagosura tjetër është jashtë rrezikut për jetën.
Nga pamjet duket se përplasja ishte e fortë, ku një nga mjetet është shkatërruar totalisht.
Ky aks rrugor konsiderohet si një ndër më të rrezikshmit në vend. Po në afërsi të këtij vendi, përpara pak ditësh u shënua një tjetër aksident me 5 viktima.
/a.r
