“Paradise Paper” (Parajsa e Letrave) ekspozon skemat e evazionit fiskal të elitës globale. Kështu shkruhet sot nga media gjermane që i referohet punës së 400 gazetarëve që kanë zbuluar rreth 13.4 milionë dokumente sekrete që tregojnë dëshmi të evazionit fiskal midis politikanëve të rangut të lartë.
Media gjermane raporton se disa në kabinetin e presidentit amerikan Donald Trump kanë qenë të implikuar. Konkretisht, gazetarët kanë zbuluar teknikat e evazionit fiskal të përdorura nga politikanët super të pasur dhe të rangut të lartë.
Rrjedhja e të dhënave u raportua nga gazeta gjermane’ Süddeutsche Zeitung’, e cili mori të dhënat e rrjedhura nga kompani me bazë në Bermuda, Appleby, një nga firmat kryesore off-shore, shkruan ‘Panorama’.
Dokumentet, të quajtur “Paradise Papers”, duket se tregojnë lidhjen midis anëtarëve të kabinetit të Presidentit të SHBA Donald Trump dhe firmave ruse.
‘Süddeutsche Zeitung’ ishte gjithashtu e përfshirë në ekspozimin e të ashtuquajturës ‘Panama Papers’ për rrjedhje që vitin e kaluar por në fund të fundit, të dhënat u botuan nga një numër i organizatave të lajmeve në bashkëpunim me Konsorciumin Ndërkombëtar të Gazetarëve Investigues (ICIJ) me bazë në SHBA.
Panama Papers përbëhet nga rreth 11.5 milionë dokumente të zbuluara që implikojnë individë që fshehin pasurinë e tyre në parajsat e taksave.
Dokumentet zbuluan se si Mossack Fonseca kishte krijuar rreth 200,000 kompani dhe renditi emrat e individëve, duke përfshirë politikanë, të famshëm dhe atletë, të cilët kishin fshehur pasurinë e tyre në ato kompani off-shore.
