4 vite para se të vritej në Malin me Gropa, Eglantina Buci kishte marrë pjesë në një videoklip, që konsiderohet një ndër shkaqet e konfliktit mes vajzës dhe familjareve të saj. Madje babai i Eglantinës, Faik Buci ishte konfliktuar me këngëtarin.
Në këtë videoklip, të publikuar në vitin 2008, Eglantina Buci është vetëm 19 vjeç. Pikërisht veshja në këtë videoklip nuk është pëlqyer nga babai i saj, që ka sjellë konflikte mes tyre.
Sipas babait dhe vëllait, Eglantina po shfrytëzohej si prostitutë dhe ishte përdoruese e lëndëve narkotike. Madje në këtë periudhë, në vitin 2008, ajo ishte në një qendër rehabilitimi, pasi ishte larguar nga familja dhe nuk ishte kthyer në shtëpi.
Fakti i largimit nga banesa dhe dalja në një videoklip, duket se nuk i ka pëlqyer familjes së saj, që i ka quajtur këto veprime si çnderim.
Në vitin 2012-të vëllai i saj Shkëlzen Buci dyshohet se e vrau pranë Malit me Gropa, në një zonë të pyllëzuar. Shkëlzen Buci mohon vrasjen dhe është shprehur se ata që e bënë do ta paguajnë.
Prova më e fortë që ka në dorë prokuroria është dëshmia e të penduarit, shokut të Shkëlzen Bucit, që e shoqëroi ditën kur ndodhi ekzekutimi. Prokuroria thotë se vrasjen e organizoi Faik Buci.
/a.r
