Parisi është ‘pushtuar’ nga makinat vetëm pak orë para se të ndodhte bllokimi i ri kombëtar në të gjithë Francën. Trafiku i rënduar arrinte deri në 700 km në rajonin e Ile-de-France të enjten në mbrëmje, njoftoi media lokale.
Masat e bllokimit hynë në fuqi në mesnatën e së premtes për të ndaluar shifrat e larta të infektimeve me Covid. Një ditë më parë, presidenti Macron njoftoi një bllokim të dytë kombëtar, duke ndaluar udhëtimin midis rajoneve.
Macron tha nën masat e reja, duke filluar nga e premtja, njerëzit do të lejohen të largohen nga shtëpia vetëm për punë thelbësore ose për arsye mjekësore.
Bizneset jo thelbësore, të tilla si restorantet dhe baret, do të mbyllen. Vdekjet e përditshme të kovidit janë rritur mbi 500 atje dhe zyrtarët thonë se gjithçka duhet të bëhet që “të mos na mbingarkojë” sistemi spitalor. Evolucioni i virusit në Francë ka tejkaluar “edhe parashikimet më pesimiste”.
Vdekjet ditore nga Covid-19 në Francë janë në nivelin më të lartë që nga Prilli, dhe të enjten, autoritetet raportuan 47,637 raste të reja dhe 250 vdekje të reja.
Mediat franceze raportojnë se shumë qytetarë të Parisit janë larguar nga qyteti dhe kanë shkuar në fshat.
Ndërsa puna në distancë duhet të kryhet aty ku është e mundur, Macron tha se qytetarët do të jenë në gjendje të lënë shtëpitë për qëllime pune, për të ndihmuar individë në nevojë dhe për të bërë pazar.
Adresimi i tij erdhi vetëm disa orë pasi Gjermania njoftoi një bllokim të kufizuar duke filluar nga data 2 nëntor, ku restorantet, baret dhe teatrot do të mbyllen. Kancelarja gjermane Angela Merkel tha se masat ishin një përpjekje për të shmangur një “emergjencë akute shëndetësore kombëtare”.
Gjermania regjistroi 15 mijë raste të reja të mërkurën, një rekord për kombit, i cili rezultoi më i suksesshëm në menaxhimin e pandemisë gjatë pranverës, duke shmangur një bllokim total ndryshe nga vende të tjera.
g.kosovari
