“Është trishtues fakti se vaksina për Covid-19, ju jep prioritet më të pasurve. Është e trishtë që vaksina të mos jetë për të gjithë njëlloj”.
Është ky mesazhi i dhënë nga Papa Françesku nga Vatikani, i cili ngre shqetësimin e tij.
“Është skandal që me gjithë asistencën ekonomike, ku pjesa më e madhe janë para publike, po financohen industri që nuk kontribuojnë në përfshirjen e të përjashtuarve për të mirën e përbashkët të të gjithëve”, u shpreh kreu i selisë së shenjtë.
Papa shtoi se pandemia ka nxjerrë në pah gjendjen e të varfërve dhe pabarazinë e madhe që mbretëron në botë.
“Dhe virusi, ndërsa nuk bën përjashtime mesin e njerëzve, teksa ka gjetur në rrugën e tij shkatërruese, pabarazi të mëdha dhe diskriminim. Dhe i ka thelluar ato. Reagimi ndaj pandemisë, pra, është i dyfishtë. Nga njëra anë, është thelbësore të gjesh kurën për një virus të vogël, por të tmerrshëm, i cili po e sjell gjithë botën në gjunjë. Nga ana tjetër, ne duhet të kurojmë një virus të madh, atë të padrejtësive shoqërore, pabarazinë e mundësive, margjinalizimin dhe mungesën e mbrojtjes së më të dobëtve”, deklaroi Papa.
