Papa Françesku ka kritikuar fuqitë Perëndimore se po tentojnë të eksportojnë llojin e tyre të demokracisë në vende si Iraku dhe Libia pa respektuar kulturat e tyre indigjene politike.
Kështu, së paku, citohet të ketë thënë Papa në një intervistë për gazetën katolike franceze “La Croix”, ndërsa ka theksuar se Evropa duhet t’i integrojë më mirë migrantët dhe ka lavdëruar zgjedhjen e kryebashkiakut të ri mysliman të Londrës si një shembull se kjo ka funksionuar.
“Të përballur me terrorizmin aktual islamik, duhet ta vëmë në pikëpyetje mënyrën se si një model i demokracisë që ka qenë shumë perëndimor është eksportuar në vende ku ka pasur pushtet të fortë, si në Irak apo Libi, ku ka pasur strukturë fisnore”, ka thënë ai, raporton Reuters, cituar nga Koha. (b.an)
