Dom Jeton Thaqi e jep i pari lajmin e gazetës italiane Avvenire, përmes faqes së tij në Facebook: “Lajm tejet i mirë: pas lumturimit të Nene Terezes, do të beatifikohen ose do të lumturohen edhe 38 martirët shqiptarë të kohës së komunizmit. Sipas një shkrimi që sjell Avvenire procesi ka përfunduar dhe tani mbetet vetëm vendimi i Papa Françeskut.”
Dhe shqiptarët nuk e kanë kot për zemër Papa Françeskun, sepse e dinë se sikur ai shpalli shenjtore Nënë Terezën, do t’i shpallë martirë ata që i vrau dora e zezë e diktaturës komuniste.
Më poshtë Voal.ch citon gazetën Avvenire: “Do të lumturohen shpejt 38 martirët shqiptarë, të ekzekutuar me vdekje nga regjimi komunist. «Procesi tashmë është kryer dhe konkluzionin do ta marrë shpejt Selia e Shenjtë dhe pastaj do të jetë vetë Ati i Shenjtë që do vendosë», ka konfirmuar monsinjor Marcello Semeraro, peshkop i Albanos dhe sekretar i Këshillit të kardinalëve themeluar vetë nga Papa Françesku, i quajturi C9”.
Midis emrave që do të shpallen martirë është Maria Tuci, Vincent Prenushi, Fran Gjini. Jo më kot ishte vetë Papa Françesku, i cili gjatë vizitës së tij në Shqipëri më 24 shtatorin e vitit 2014, do ta definonte Shqipërinë si “vendin e martirëve”.
