Papa Françesku shprehu dëshirën për transferimin drejt Vatikanit të një kontigjenti refugjatësh të mbërritur në ishullin grek Lesbos, ku po zhvillon sot një vizitë në formë solidariteti ndaj të shpërngulurve nga vatrat e luftës, njoftoi për median institucioni grek për bashkëpunim në kuadër të politikës migratore, SOMP.
“Ky kontigjent refugjatësh i përket grupeve më të pambrojtura, të cilët janë sistemuar në Lesbos para hyrjes në fuqi të marrëveshjes BE-Turqi, duke i hapur udhë dërgimit të migrantëve në Turqi, bëri të ditur SOMP”, pa dhënë më shumë detaje.
Referuar televizionit publik ERT, tre familje të strehuara në kampin e hapur në Kara Tepe janë përzgjedhur me anë të një selektimi të rastësishëm.
Sipas agjencisë greke të lajmeve, ANA-MPA, Papa do të marrë me vete këtë kontigjent të vogël refugjatësh, 10 në total, në bordin e avionit të tij, gjatë largimit pasditen e sotme nga Lesbosi. SOMP nuk bëri të ditur shpjegime të mëtejshme.
