Papa Francesko ka dhuruar 100 mijë euro për të gjithë të prekurit e tërmetit me magnitudë 6.4 në Shqipëri.
Me këtë kontribut, Papa dëshiron të shprehë afërsinë e tij shpirtërore dhe mbështetjen atërore me njerëzit dhe territoret e prekura. Kontributi monetar do i drejtohet dioqezave shqiptare për ti ardhur në ndihmë operacioneve të kërkim-shpëtimit dhe zonave të prekura.
Komunikata e dërguar nga Selia e Shenjtë thekson se kontributi i bërë përmes Dikasterit për Shërbimin e Zhvillimit Njerëzor të Selisë së Shenjtë do të vijojë me ndihma të tjera që janë aktivizuar në Kishat Katolike në mbarë botën, përfshirë edhe organizata bamirësie.
Ndërkohë, njësitë dhe forcat speciale po vijojnë kërkimet për të gjetur persona të tjerë që mund të kenë mbetur nën rrënoja.
g.kosovari
