DASHI: Në aspektin fizik, shqetësimet do të jenë më të vogla, edhe pse do t’ju duhet të zgjidhni disa probleme estetike. Marsi do të ketë më ndikim negativ, ndërsa Jupiteri dhe Dielli do t’ju japin forcë. Shmangini aktivitetet tejet të lodhshme, por mos hiqni dorë nga sporti, pasi sporti ju çliron nga energjitë negative aq të dëmshme për organizmin.
DEMI: Në gjashtëmujorin e fundit keni qenë mjaft të stresuar, është e kotë ta mohojmë. Më e rëndësishmja është të largoni pesimizmin, pasi në shtëpi ju presin risi pozitive apo zgjidhje që e reduktojnë ndjeshëm ankthin dhe ju falin qetësi e stabilitet. Trajtimet mjekësore do të shkojnë mirë prej datës 22.
BINJAKËT: Kini kujdes në aspektin fizik, pasi mund të ndeshni shqetësime të shumta. Mund të ndiheni të pafuqishëm, pasi të lindurit në shenjën tuaj nuk i bëjnë fort ballë lodhjes dhe mundimit të skajshëm. Do të ndiheni të drobitur, sidomos rreth datës 17. Në fund të muajit, mundohuni t’i bëni punët me qetësi, sepse nguti shtyn në gabime.
GAFORRJA: Saturni shkakton mjaft stres e për pasojë edhe lodhje fizike. Marsi dhe Hëna kanë ndikim pozitiv, sidomos më datë 17, kur do të ndiheni shumë mirë me veten. Disa shqetësime stinore, si ftohjet apo të tjera duhen kuruar me kujdes, për të shmangur përkeqësimet.
LUANI: Një lajm i mirë për të gjithë Luanët, shqetësimet do t’i kaloni thuajse përfundimisht ose terapitë apo mjekimet do të japin rezultate më të mira. Aktiviteti fizik këshillohet më së shumti, në mënyrë që rimëkëmbja të jetë sa më e shpejtë. Pritet një shërim i shpejtë edhe për ata që kanë qenë të sëmurë, sidomos për të lindurit në fund të korrikut.
VIRGJËRESHA: Nëntori sjell një gjendje fizike dhe mendore disi më të rënduar, por nuk keni pse të shqetësoheni. Bëni kujdes me shëndetin dhe shmangni sforcimet fizike të panevojshme, në mënyrë që të mbroni pjesët më delikate të trupit. Stresi shkakton lodhje të madhe, po ashtu edhe shqetësime psikike për disa prej jush. Merrini shtruar të gjitha!
PESHORJA: Më në fund, do të gjejnë zgjidhje shqetësimet fizike që keni ndier deri tani. Venusi në shenjë ndihmon në ripërtëritjen psikofizike. Cervikali është pika juaj e dobët. Mos e stërmundoni veten sidomos në harkun kohor 19-26 nëntor.
AKREPI: Në nëntor, do të ndiheni të fortë fizikisht. Shmangni udhëtimet e gjata apo lodhjen fizike gjatë dyjavëshit të parë të muajit. Dyjavëshi i dytë i nëntorit paraqitet plot energji. Do të ripërtëriheni fizikisht dhe do të kapërceni shqetësimet që kanë të bëjnë me qarkullimin e gjakut.
SHIGJETARI: Në këtë periudhë, mund të kapërceni disa shqetësime fizike që i keni hasur së fundmi. Një kurë e rekomanduar nga mjeku do të jetë vendimtare për të shtuar energjinë e forcën fizike. Shmangini ndjesitë e pakëndshme, për fat të mirë, ju këtë gjë arrini ta bëni në mënyrë të shkëlqyer. Programoni diçka të këndshme!
BRICJAPI: Në aspektin psikofizik, keni një përmirësim të ndjeshëm që prej majit të këtij viti. Edhe nëse po ndiqni ndonjë kurë apo terapi të gjatë, do të vëreni përmirësime. E vetmja ditë disi e tensionuar paraqitet data 5. Reumatizmat do t’i mbani në kontroll dhe mjekimet e nisura këto ditë do të kenë ecuri pozitive.
UJORI: Forma fizike do të jetë në përmirësim të dukshëm. Të gjitha mjekimet apo kurat do të kenë ecuri të mirë. Kini pak kujdes në datat 17-8 dhe 21-22, sepse fluksi i punëve të ditës do t’ju shkaktojë lodhje të madhe. Përpiquni të flisni aq sa duhet, sepse ky është një problem për të lindurit në shenjën tuaj, shpesh zgjoheni në mes të natës dhe mendoni se ç’keni për të bërë nesër. Kështu, në mëngjes do të zgjoheni të lodhur.
PESHQIT: Në aspektin psikofizik, ankthi rrezikon t’ju lërë natën pa gjumë, sidomos gjatë fundjavave. Mbase merrni përsipër shumë përgjegjësi që ju tensionojnë dhe më pas nuk ndiheni mirë.
Kujdes në datat 9 dhe 16, pasi do të ndieni doza të larta nervozizmi. Marsi në shenjë ju bën agresivë dhe të gatshëm për t’u konfliktuar me të tjerët.
