Përfshihet nga flakët një banesë në Tiranë.
Zjarri ka përfshirë një banesë në rrugën “Don Bosko”, pasditen e sotme.
Bëhet fjalë për një banesë në pronësi të M.Ç., 60 vjeç, por fatmirësisht nuk ka pasur të lënduar.
“Më datë 21.06.2020, rreth orës 17:30, në rrugën “Don Bosko”, ka rënë zjarr në katin e fundit të banesës në pronësi të shtetasit M.Ç., 60 vjeç, ku nuk ka të lënduar në njerëz, por vetëm dëme materiale.” – njofton policia.
Shërbimet e zjarrfikëses ndodhen në vendngjarje, të cilat po bëjnë të mundur fikjen e zjarrit.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.
/a.r
