Kreu i Organizatës Botërore të Shëndetësisë Tedros Adhanom Ghebreyesus, me atë të një deklarate është shprehur se pandemia është në një pikë kulminante për shkak të vaksinimit të pabarabartë kundër Covid-19.
Tedros theksoi se shumë vende të cilat kanë vaksinuar popullsinë në masë, po i lehtësojnë masat e po i hapin kufijtë sikur Covid-19 të mos kishte ekzistuar asnjëherë. Ai tha se duhet të bëhet kujdes me masat dhe se ato duhet të lehtësohen gradualisht.
Kreu i OBSH-s theksoi se për shkak të pabarazisë së procesit të vaksinimit dhe përhapjes së varianteve të reja të COVID-19, në shumë vende në botë situata po përkeqësohet sa i përket rasteve të reja pozitive viktimave.
Këto paralajmërime nga OBSH vijnë teksa, numri i viktimave nga COVID-19 është mbi 4 milionë në të gjithë botën, një shifër tragjike dhe një plagë për të gjithë. Një kërcenim për botën aktualisht është edhe varianti Delta i COVID-19, i cili ka një fuqi të shpejtë në përhapje.
Në Bashkimit Evropian, është diskutuar rreth mundësisë së rimbylljes së kufijve, për shkak të përhapjes së shpejtë të variantit delta, megjithatë kundërshtimet kanë qenë të forta, për shkak se përpara kemi një sezon turistik plot shpresë për ringjalljen e ekonomisë.
