Ministri i Bujqësisë, Zhvillimit Rurala dhe Administrimit të Ujrave, Edmond Panariti deklaroi sot se, “reforma që do të ndërmarrim në sektorin e veterinarisë dhe sigurisë ushqimore, do të jetë më e rëndësishmja pas asaj që ka ndërmarrë qeveria në drejtësi, si reforma që do të garantojë sigurinë ushqimore në vend dhe eksportet shqiptare në BE”.
Në një deklaratë për shtyp, ministri Panariti tha se, Bashkimi Evropian do të përqëndrohet më intensivisht vitin e ardhshëm për këtë reformë, pasi siguria e garancia e ushqimeve është kusht i domosdoshëm për të eksportuar në BE.
