Ministria e Bujqësisë është në vënë në lëvizje lidhur me katastrofën ekologjike në lagunën e Kunës.
Ministri Panariti deklaroi nga Lezha se institucioni që ai drejton ka marrë kampionë nga uji, të cilët do ti nënshtrohen analizave, ndërsa pranoi se sektori i peshkimit është i rrezikuar nga kjo ndotje mjedisore. Ai paralajmëroi se ndotësit do të ndëshkohen sipas ligjit në fuqi. Tre ditë më parë peshkatarët denoncuan situatën e rëndë që paraqitet në lagunë.
Ata pretendojnë se brenda kësaj lagune derdhen ujëra të ndotura, ndërsa institucionet vijojnë të heshtin përballë këtij fakti. Peshkatarët thonë se në harkun kohor të një viti kanë ngordhur mbi 20 kuintal peshk, gjë që faktohet edhe nga fotot e shkrepura prej tyre.
