Njerëz të frikësuar që tentojnë të largohen nga Kievi. Këto janë pamjet që vijnë nga kryeqyteti i Ukrainës, atje ku nisi edhe sulmi i parë me raketa nga ana e Rusisë.
Pak më shumë se dy orë më parë, Presidenti rus Vladimir Putin njoftoi aksionin ushtarak, shkruan BBC.
Fill pas kësaj deklarate, shumë njerëz në Kiev kanë nxituar në stacionet e metrosë për t’u strehuar. Të tjerë kanë hipur në autobusë për t’u larguar nga qyteti dhe ka radhë makinash që përpiqen të dalin.
Ndërkohë fluturimet e avionëve civilë në hapësirën ajrore të Ukrainës tani janë “të kufizuara për shkak të rrezikut të mundshëm për aviacionin civil”, tha faqja e gjurmimit të të dhënave Flightradar24. Autoritetet e Ukrainës nuk kanë komentuar mbi këtë çështje, ndërsa siç shihet hapësira ajrore në territorin e Ukrainës është e kufizuar nga lëvizja e aeroplanëve.
Ndërkohë, mbërritjet dhe nisjet në disa aeroporte kryesore të Ukrainës duket se po zhvillohen sipas planit.
g.kosovari
