Aktorja e njohur amerikane Gwyneth Paltrow ka thënë se ish-burrin e saj, këngëtarin Chris Martin, e konsideron si vëlla. Gwyneth dhe Chris 38-vjeçar njoftuan për ndarje në muajin mars të vitit 2014. Çifti ka dy fëmijë, një vajzë 11-vjeçare dhe një djalë 9-vjeçar.
Për revistën e famshme “Glamour” aktorja 43-vjeçare ka thënë se këngëtarin e grupit Coldplay e konsideron si vëlla dhe se akoma flenë në shtëpitë e njëri-tjetrit, transmeton koha.net.
“Ne kalojmë shumë kohë së bashku”, ka deklaruar ajo për revistën, për të cilën ka pozuar për ballinën e numrit të muajit mars. “Ne nuk jetojmë bashkë, por është i mirëpritur te ne kurdo që dëshiron të vijë. Ne jemi prapë një familje, edhe pse nuk kemi lidhje romantike. Atë e kam si vëlla”.
