Pas video-mesazhit të kryeministrit Edi Rama në lidhje me zgjedhjet në Dibër ka reaguar edhe Partia Demokratike. Edi Paloka theksoi se zgjedhjet në Dibër u blenë.
“Sa herë që i duhet të flasë për investime, për punë të kryera e së fundi për Dibrën i duhet të shtojë pak dozën që të jetë i papërgjegjshëm për ato që thotë. Besoj e mbani mend në parlament kur u betua se në Dibër s’ka asnjë gjethe kanabis.
Por vetëm disa orë më vonë policia e tij tha se asgjësoi 4800 rrënjë ( natyrisht që këto ishin te ndonjërit që s’ka paguar 30%, se asnjë rrënjë e shefit të komisariatit Robert Aga nuk është prekur).
Sot na tha se fituan nga oratoria e kandidatit të tyre. A mban mend ndonjë njeri qoftë dhe një fjali që artikuloi Rama i vogël ?! Natyrisht qe jo se Rama i vogël fliste me zërin e parave të korrupsionit të Gjiknurit e Abazit qe shkonin për të blerë vota.
Fliste me zërin e trafikanteve të femrave, të drogës e kriminelëve qe u mblodhën nen kushtrimin e Edi Ramës. Fliste me zërin e Robert Agës gardianit të arave te hashashit, me zërin e Admir Trupjas, shefit te krimeve të rënda në Drejtorinë e Policisë Dibër, qe u kap ditën e zgjedhjeve duke shpërndan lekë në këmbim të votave, me zërin e Shefi te krimeve të Mirditës, Klajdi Osmani qe u angazhua fuqimisht ne fushate elektorale për të shantazhuar votues e blere vota. Dibra është turpi i Edi Ramës. Dibra ishte testi me i mire se si Edi Rama mendon të përballet ne 2017. Dibra ishte overdoza e tij”, deklaroi Paloka.
