Kryetari i Grupit parlamentar të PD Edi Paloka deklaroi gjatë fjalës së tij në Parlament se Edi Rama dhe Saimir tahiri sulmuan me histerizëm gjyqtarin që pezulloi haki Çakon.
Kjo sipas Palokës vjen pasi “Çako ka nisur të flasë dhe do të nxjerrë zbuluar Ramën”.
Deputeti i Partisë Demokratike Edi Paloka deklaroi në seancën e parlamentit se është opozita ajo që kërkon miratimin e reformës në drejtësi dhe bllokuese është mazhoranca. Sipas Palokës, opozita bën pjesë te 90 % e qytetarëve që e duan reformën. Më tej ai deklaroi se për Ramën drejtësia funksionon kur liron deputetët dhe zyrtarët e tij të inkriminuar.
“Kur kjo drejtësi liron djalin e deputetes vrasëse, për Ramën kjo drejtësi funksionon, Kur drejtësia liron deputetin e Ramës që qëllon për të vrarë qytetarë të thjeshtë para komisariatit të Policisë, kjo drejtësi funksionon, Kur kjo drejtësi lë të lirë drejtorin e policisë së Ramës, i kapur në flagrancë, duke fshehur prova për një tjetër deputet vrasës të ramës, prap kjo drejtësi funksionon”, tha Paloka./a.m.
